გამოცემები

წინამდებარე პუბლიკაცია აღმოსავლეთ ევროპის მრავალპარტიული დემოკრატიის ცენტრმა (EECMD) ეროვნული უმცირესობების საკითხებში ეუთოს უმაღლესი კომისრის ოფისთან ერთად (OSCE-HCNM) პროექტის „საქართველოს პოლიტიკურ ცხოვრებაში ეროვნული უმცირესობების ჩართულობის გაძლიერება“ ფარგლებში გამოსცა. წინამდებარე პუბლიკაციის თემაც პროექტში მონაწილე პოლიტიკურ პარტიებთან კონსულტაციებისა და შეხვედრების დროს განხილული საკითხების ანალიზის საფუძველზე შეირჩა. პოლიტიკის ნარკვევი „ეროვნული უმცირესობების პოლიტიკური და საზოგადოებრივი ჩართულობა სახელმწიფო ენის შესწავლის შემდეგ: გამოწვევები და შესაძლებლობები პანკისის ხეობის მაგალითზე“ მოკლედ მიმოიხილავს ეროვნული უმცირესობების ინტეგრაციის ოთხ ძირითად კომპონენტს და პანკისის ხეობის მაგალითზე აანალიზებს ადგილობრივი მოსახლეობის პოლიტიკური ინტეგრაციის პრობლემის მიზეზებს.

26-27 ივნისს საქართველოს სახელმწიფო აუდიტის ოფისის, ევროპის საბჭოს, International IDEA-ს, ეუთოს დემოკრატიული ინსტიტუტებისა და ადამიანის უფლებების ოფისის, საარჩევნო სისტემების საერთაშორისო ფონდისა და აღმოსავლეთ ევროპის მრავალპარტიული დემოკრატიის ცენტრის ორგანიზებით მესამე ყოველწლიური რეგიონული კონფერენცია: „ფული და პოლიტიკა“ გაიმართა.  ეს სტატია ამ კონფერენციაზე გამოსვლის ტექსტს ეფუძნება.

წინამდებარე პუბლიკაცია აღმოსავლეთ ევროპის მრავალპარტიული დემოკრატიის ცენტრმა (EECMD) ეროვნული უმცირესობების საკითხებში ეუთოს უმაღლესი კომისრის ოფისთან ერთად (OSCE-HCNM) პროექტის „საქართველოს პოლიტიკურ ცხოვრებაში ეროვნული უმცირესობების ჩართულობის გაძლიერება“ ფარგლებში გამოსცა. პუბლიკაციის თემებიც პროექტში მონაწილე პოლიტიკურ პარტიებთან კონსულტაციებისა და შეხვედრების დროს განხილული საკითხების ანალიზის საფუძველზე შეირჩა. პოლიტიკის ნარკვევი „ეროვნული უმცირესობები საქართველოს პოლიტიკური პარტიების დღის წესრიგში“ მიმოიხილავს, თუ რამდენად არის გათვალისწინებული ეროვნული უმცირესობების საკითხი პოლიტიკური პარტიების პროგრამულ და სტრატეგიულ დოკუმენტებში. პოლიტიკის ნარკვევი „ეროვნული უმცირესობები რუსული პროპაგანდის პირისპირ“ კი აანალიზებს რუსული პროპაგანდის გავლენას ეროვნული უმცირესობების საზოგადოებრივ და პოლიტიკურ ცხოვრებაში ინტეგრაციის ხარისხზე.

ანალიტიკური შეჯამება „EECMD-ის მრგვალი მაგიდა უკრაინასა და ოდესის რეგიონში  დეცენტრალიზაციის შესახებ“ ოდესის საჯარო ადმინისტრირების რეგიონალური ინსტიტუტის ექსპერტის, დ. სერჰიეი სახანიენკოს მიერ არის შედგენილი. პუბლიკაცია, 2017 წლის 24 ნოემბერს, აღმოსავლეთ ევროპის მრავალპარტიული დემოკრატიის ცენტრის (EECMD) ორგანიზებით გამართული მრგვალი მაგიდის დროს ექსპერტების მიერ გაჟღერებული არგუმენტებისა და შემოთავაზებების შეჯამებას წარმოადგენს. პუბლიკაცია განიხილავს დეცენტრალიზაციის დებატების ირგვლივ არსებულ ეკონომიკურ, პოლიტიკურ და პოლიტიკის განსაზღვრასთან დაკავშირებულ არგუმენტებს, მიმოიხილავს პოლიტიკურ პარტიებსა და უკრაინის პოლიტიკურ სისტემაზე დეცენტრალიზაციის გავლენას, ისევე როგორც აღწერს ადგილობრივი აქტორების წინაშე დეცენტრალიზაციის შედეგად შექმნილ გამოწვევებს.

პუბლიკაცია ხელმისაწვდომია ინგლისურ ენაზე

ანალიტიკური შეჯამება „EECMD-ის მრგვალი მაგიდა უკრაინასა და ლვოვის რეგიონში დეცენტრალიზაციის შესახებ“ ინოვაციური კვლევის ცენტრის ექსპერტების, დ. მარიან ლოპატასა და დ. იევენ ლანიუკის ავტორობით არის შედგენილი. პუბლიკაცია, 2017 წლის ნოემბერში, ლვოვში აღმოსავლეთ ევროპის მრავალპარტიული დემოკრატიის ცენტრის (EECMD) ორგანიზებით გამართული მრგვალი მაგიდის დროს ექსპერტების მიერ გაჟღერებული არგუმენტებისა და შემოთავაზებების შეჯამებას წარმოადგენს. პუბლიკაცია აღწერს დეცენტრალიზაციის პროცესის უპირატესობებსა და ნაკლოვანებებს, დეცენტრალიზაციის რეფორმის პოლიტიკურ პარტიებსა და უკრაინის პოლიტიკურ სისტემაზე გავლენას, ისევე როგორც ლვოვის რეგიონში დეცენტრალიზაციის პროცესის ძირითად მახასიათებლებს.

პუბლიკაცია ხელმისაწვდომია ინგლისურ ენაზე

ბოლო წლები დემოკრატიის სტაგნაციის წლებად მიიჩნევა. ამას მრავალი მიზეზი აქვს, იქნება ეს დემოკრატიული ქვეყნების ეკონომიკის შენელება თუ ფულის მზარდი გავლენა პოლიტიკაზე, რაც ამომრჩეველთა პოლიტიკისგან გაუცხოებას იწვევს. ეს ბევრ დემოკრატიულ ქვეყანაში პარტიებისა და პარლამენტების მიმართ ნდობის კლებაში, პარტიაში გაწევრიანებულთა რაოდენობის შემცირებაში, წევრობის საშუალო ასაკის ზრდაში, ექსტრემისტ-პოპულისტური პარტიების გაძლიერებასა და ტრადიციული, დემოკრატიული პოლიტიკური პარტიების დასუსტებაში გამოიხატება.

ამ პრობლემებიდან გამოსავლის ძიებისას, ერთ-ერთი მნიშვნელოვან რეფორმად შიდაპარტიული დემოკრატიის განვითარება მიიჩნევა, როგორც წინაპირობა ამომრჩევლისა თუ წევრების პარტიისადმი ნდობის გაზრდისა და მის საქმიანობაში თანამონაწილეობის გასაუმჯობესებლად. საინტერესოა, რომ ბევრი მზარდი გავლენის პოპულისტური პარტია, შიდა დემოკრატიის მაღალი ხარისხით გამოირჩევა.

პუბლიკაცია მომზადდა ნიდერლანდების მრავალპარტიული დემოკრატიის ინსტიტუტისა (NIMD) და ეროვნული უმცირესობების საკითხებში ეუთოს უმაღლესი კომისრის (OSCE-HCNM) ოფისის დაკვეთით და ოთხ პოლიტიკის დოკუმენტს აერთიანებს. პოლიტიკის დოკუმენტები საქართველოში ეროვნული უმცირესობების სოციალურ-პოლიტიკურ ინტეგრაციას ეხება და ემყარება კვლევას, რომელიც შესაბამისი სფეროს პროფესიონალებმა ჩაატარეს.

NIMD-ის აღმოსავლეთ ევროპული სამეზობლოს ოფისის მიერ, პოლიტიკური პარტიების გენდერული რანგირება პირველად 2014 წელს ჩატარდა. წინამდებარე დოკუმენტი კი მეორე რანგირებას წარმოადგენს, რომელიც 2015-2016 წლებს მოიცავს.

პოლიტიკური პარტიების გენდერული თანასწორობის ინდექსი პარტიებს სამი ძირითადი განზომილებით აფასებს – საარჩევნო, ინსტიტუციური და პროგრამული. თითოეული განზომილება მოიცავს ინდიკატორების ერთობლიობას, რომელთაც მინიჭებული აქვთ კონკრეტული ქულა და მათი ერთობლიობა შემდგომში, პარტიებში გენდერული თანასწორობის ინდექსის შექმნის შესაძლებლობას იძლევა.