ჩვენი გუნდი

მათე ჩაფიჩაძე აღმოსავლეთ ევროპის ცენტრი მრავალპარტიული დემოკრატიისათვის (EECMD) ქუთაისის დემოკრატიის სკოლის კოორდინატორია 2021 წლიდან. მათე ქუთაისის აკაკი წერეთლის სახელმწიფო უნივერსიტეტის სამართალმცოდნეობის ფაკულტეტის მაგისტრია, რომლის დასრულების შემდგომ წარმატებით ჩააბარა საქართველოს ადვოკატთა ასოციაციის საკვალიფიკაციო გამოცდა.

EECMD-ში მუშაობის დაწყებამდე მათე დასაქმებული იყო სამართლიანი არჩევნებისა და დემოკრატიის საერთაშორისო საზოგადოების (ISFED) საჩხერის რაიონის გრძელვადიან დამკვირვებლად. ასევე მუშაობდა საქველმოქმედო–ჰუმანიტარულ ცენტრ „აფხაზეთის“ (CHCA) იმერეთის რეგიონულ ოფისში სათემო განვითარების პროექტების კოორდინატორად. სხვადასხვა პერიოდში მუშაობდა ოკუპირებული ტერიტორიებიდან იძულებით გადაადგილებულ პირთა დევნილთა სამართლებრივი დახმარების და გრძელვადიანი განსახლების პროგრამების იურისტ-კონსულტანტად.

მათეს ინტერესია დაიცვას და გააძლიეროს სოციალურად მოწყვლადი ჯგუფი, რათა სხვა სოციალურ ჯგუფების მსგავსად ხელი მიუწვდებოდეთ საჯარო სიკეთეებზე.

ნიკა ხომასურიძე ორგანიზაციას შემოუერთდა 2021 წელს და იკავებს პროგრამის ოფიცრის პოზიციას. ვიდრე EECMD-ის შემოუერთდებოდა, ნიკა მუშაობდა ეროვნულ დემოკრატიული ინსტიტუტის (NDI) საარჩევნო ანალიტიკოსების გუნდის დირექტორის ასისტენტად, ხოლო მანამდე გაიარა სტაჟირება საერთაშორისო გამჭვირვალობა საქართველოში (TI), განათლების ხარისხის ეროვნულ ცენტრში, კარგი მმართველობის ინიციატივის (GGI) პროგრამის ფარგლებში საქართველოს პარლამენტის გარემოს დაცვისა და ბუნებრივი რესურსების კომიტეტში.

ნიკამ წარმატებით დაასრულა ბუდაპეშტის კორვინუსის უნივერსიტეტის საჯარო პოლიტიკისა და მენეჯმენტის სამაგისტრო და შავი ზღვის საერთაშორისო უნივერსიტეტის საჯარო მმართველობის საბაკალავრო პროგრამა. ასევე, მონაწილეობდა გაცვლით პროგრამაში ლატვიის ტურიბას უნივერსიტეტში.

თამარ მამეიშვილი აჭარის რეგიონში ბათუმის დემოკრატიის სკოლის კოორდინატორია. ვიდრე აღმოსავლეთ ევროპის მრავალპარტიული დემოკრატიის ინსტიტუტს შემოუერთდებოდა, იგი მუშაობდა არასამთავრობო ორგანიზაცია „დემოკრატიის ინსტიტუტის“ პროექტების კოორდინატორად და „საზოგადოებრივი აზრის კვლევისა და მარკეტინგის ინსტიტუტში“ მედიამონიტორად. ასევე, თამარს აქვს adjaranews-ის რედაქტორად და გაზეთ „ბათუმელების“ კორესპონდენტად მუშაობის გამოცდილება.

თამარ მამეიშვილი საქართველოს საზოგადოებრივ საქმეთა ინსტიტუტის მაგისტრია ჟურნალისტიკასა და მედიამენჯმენტში. მისი ინტერესის სფეროებია ახალი ამბები, მედია თეორიები, საზოგადოებრივი აზრისა და კონტენტანალიზური კვლევები. მისთვის საუკეთესო არჩევანია, იცხოვროს დემოკრატიულ და ტოლერანტულ გარემოში და ცდილობს, ნებისმიერ სიტუაციაში თავისი წვლილი შეიტანოს ასეთი გარემოს ჩამოყალიბებაში.

თამთა ჯოლოხავა იკავებს დემოკრატიის განათლების პროგრამის ოფიცრის პოზიციას. თამთა არის ივანე ჯავახიშვილის სახელობის თბილისის სახელმწიფო უნივერსიტეტის საერთაშორისო ურთიერთობების ბაკალავრი. მან ასევე წარმატებით გაიარა მაგისტრატურა უნგრეთში სეგედის უნივერსიტეტში და ფლობს საერთაშორისო ურთიერთობების მაგისტრის ხარისხს. ბაკალავრიატის დროს, იგი გაცვლითი პროგრამით სწავლობდა პრაღის ჩარლზის უნივერსიტეტში, სადაც გაიარა სტაჟირება საქართველოს საელჩოში ჩეხეთის რესპუბლიკაში. თამთამ ასევე გაიარა სტაჟირება ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარატში.

თამთას ძირითადი ინტერესის სფერო მოიცავს ევროკავშირის ინსტიტუტებსა და პოლიტიკას, ქალთა ჩართულობას სოციალურ-პოლიტიკურ ცხოვრებაში და გენდერულ თანასწორობას.

ირინე კურტანიძე იკავებს კომუნიკაციების ოფიცრის პოზიციას აღმოსავლეთ ევროპის მრავალპარტიული დემოკრატიის ცენტრში. ირინეს აქვს მრავალწლიანი სამუშაო გამოცდილება სახელმწიფო სტრუქტურაში, ადგილობრივ არასამთავრობო და საერთაშორისო ორგანიზაციებში. იგი არის ექსპერტი საზოგადოებასთან ურთიერთობაში, სტრატეგიულ კომუნიკაციაში, პოლიტიკურ კომუნიკაციასა და პოლიტიკური საარჩევნო კამპანიების მენეჯმენტში. გარდა ამისა, ის იკვლევს არჩევნებს და ელექტორალური ქცევის მახასიათებლებს. ირინე ასევე მუშაობს პოლიტიკური კომუნიკაციებისა და სტრატეგიული კომუნიკაციების ლექტორად კავკასიის უნივერსიტეტში.

ირინე კურტანიძემ დაამთავრა კავკასიის უნივერსიტეტის მასობრივი კომუნიკაციის ფაკულტეტი. იგი ასევე არის დიდი ბრიტანეთის მთავრობის გლობალური პროგრამის, ჩივნინგის, სტიპენდიატი და ფლობს მაგისტრის ხარისხს პოლიტიკური კომუნიკაციებში – University of London, ლონდონი.

ლევან ცუცქირიძე არის აღმოსავლეთ ევროპის მრავალპარტიული დემოკრატიის ცენტრის აღმასრულებელი დირექტორი. ვიდრე NIMD/EECMD-ის შემოუერთდებოდა, ლევანი მუშაობდა საქართველოს საზოგადოებრივ საქმეთა ინსტიტუტის რექტორად და სამოქალაქო რეესტრის რეფორმის პირველი ფაზის პროექტის მენეჯერად. ასევე, ევროპის უსაფრთხოებისა და თანამშრომლობის ორგანიზაციასა და ფონდ „ღია საზოგადოება საქართველოში.“

ლევან ცუცქირიძეს მიღებული აქვს მაგისტრის ხარისხი ჯონს ჰოპკინსის პოლ ნიცზეს სახელობის საერთაშორისო ურთიერთობების სკოლაში. მისი კვლევითი და პროფესიული ინტერესებია საგარეო და უსაფრთხოების პოლიტიკა, პოლიტიკური ინსტიტუტებისა და დემოკრატიული განვითარების საკითხები.

მაია მაჭავარიანი იკავებს პროგრამების დირექტორის პოზიციას. 2013-2015 წლებში იგი ხელმძღვანელობდა NIMD-ის სამხრეთ კავკასიის რეგიონულ პროგრამას. 2012-2013 წლებში მაია მუშაობდა USAID-ის დაფინანსებულ პროექტ „დემოკრატიული მმართველობა საქართველოში“ – (G3), საზოგადოებასთან ურთიერთობის განყოფილებაში.

მაია არის დუბლინის უნივერსტეტის, პოლიტიკური მეცნიერებების ფაკულტეტის  დოქტორანტობის კანდიდატი. 2017-2018 წლებში მაია მონაწილეობდა სამეცნიერო გაცვლით პროგრამებში ჰარვარდის უნივერსტეტსა და ოქსფორდ ბრუქსის უნივესტეტებში. მაია ფლობს მაგისტრის ხარისხს საერთაშორისო ურთიერთობებში პრაღის მეტროპოლიტენის უნივერსტეტიდან და ბაკალავრისა და მაგისტრის დიპლომს თურქულ ენასა და ლიტერატურაში.

ნინო ყოჩიაშვილი იკავებს ფინანსური ასისტენტის/ბუღალტრის პოზიციას აღმოსავლეთ ევროპის მრავალპარტიული დემოკრატიის ცენტრში. ვიდრე EECMD-ის შემოუერთდებოდა, იგი მუშაობდა საქართველოს შრომის, ჯანმრთელობისა და სოციალური დაცვის სამინისტროში მინისტრის მოადგილის თანაშემწის პოზიციაზე. 2014-2015 წლებში, ის იკავებდა ფინანსური ოფიცრის პოზიციას კომპანია JSI – „ჯონ სნოუ ინქ.-ის“ საქართველოს ფილიალში, რომელიც ახორციელებდა აშშ განვითარების სააგენტოს პროექტ „შენარჩუნებას“. 2007-2014 წლებში ნინო მიწისა და უძრავი ქონების პროფესიონალთა ასოციაციის (APLR) ფინანსური მენეჯერი იყო, რომელიც ახორციელებდა აშშ განვითარების სააგენტოს „მიწის ბაზრის განვითარების“ პროექტს. 2001-2007 წლებში ის მიწის მესაკუთრეთა უფლებების დაცვის ასოციაციის ფინანსური დეპარტენტში იკავებდა სხვადასხვა პოზიციებს.

ნინო ყოჩიაშვილი თბილისის დამოუკიდებელი უნივერსიტეტის კურსდამთავრებულია და ფლობს ეკონომისტის ხარისხს (ფინანსებისა და კრედიტის სპეციალიზაციით).

შორენა ჯოელი იკავებს ფინანსური დირექტორის თანამდებობას აღმოსავლეთ ევროპის მრავალპარტიული დემოკრატიის ცენტრში. 2009-2015 წლებში იგი მუშაობდა გაეროს სურსათისა და სოფლის მეურნეობის ორგანიზაციაში, ფინანსურ-ადმინისტრაციის ოფიცრის თანამდებობაზე.

2006-2007 წლებში იგი წარმოადგენდა საქართველოს ოფისის კოორდინატორს IREX/IATP-ის ოფისში. 2005-2006 წლებში მუშაობდა IREX-ში, USAID-ის მიერ დაფინანსებულ მედია ინოვაციების პროგრამაში, ტრენინგების პროგრამის ოფიცრის პოზიციაზე.

2007/2008 წლებში მან მიიღო სამთავრობო დაფინანსება კვიპროსის დაგეგმვის ბიუროსაგან და დაამთავრა კვიპროსის უნივერსიტეტი ბიზნესის ადმინისტრირების განხრით.

1990/1995 წლებში იგი სწავლობდა თბილისის სახელმწიფო უნივერსიტეტში აღმოსავლეთმცოდენობის ფაკულტეტზე და მიღებული აქვს მაგისტრის ხარისხი.