ჩვენი სპეციალური განცხადება

ხვალ, თბილისის საქალაქო სასამართლო, ჩვენი თანამშრომლის, თელავის დემოკრატიის სკოლის ხელმძღვანელის, ნიკოლოზ შარვაშიძის საქმეს განიხილავს, რომელსაც პოლიცია 20 ივნისის ღამეს, ადმინისტრაციულ სამართალდარღვევაში: დაუმორჩილებლობასა და პოლიციისადმი წინააღმდეგობაში სდებს ბრალს.

აქვე იმასაც ვიტყვით, რომ იმავე შემთხვევაზე, საქართველოს პროკურატურა პოლიციის მხრიდან უფლებამოსილების შესაძლო გადამეტებას იძიებს. გვინდა გვჯეროდეს, რომ ხვალ, თბილისის საქალაქო სასამართლო სამართლიან გადაწყვეტილებას მიიღებს, ხოლო ისინი, ვინც ნიკოლოზს ფიზიკური და მორალური ზიანი მიაყენა, შესაბამისად დაისჯებიან.

ჩვენ დარწმუნებული ვართ ნიკას უდანაშაულობაში და მხარდაჭერას ვუცხადებთ მას. მისი დიდი დამსახურებაა, რომ ჩვენი დემოკრატიის განათლების/სკოლების პროგრამა ასეთი წარმატებულია დღემდე. ვისურვებდით, რომ საქართველოს მისი მსგავსი, კიდევ ბევრი მოქალაქე ჰყავდეს.