პოლიტიკური პარტიები
პოლიტიკური პარტიების მხარდაჭერის პროგრამა
EECMD-ის პოლიტიკური პარტიების მხარდაჭერის პროგრამა ორგანიზაციის მისიის ფუნდამენტური მიმართულებაა, რომელიც მიზნად ისახავს პოლიტიკური პარტიების, როგორც დემოკრატიული, პასუხისმგებლიანი და ინკლუზიური ინსტიტუტების, გაძლიერებას.
საქართველოში, მოლდოვაში, სომხეთში, ყირგიზეთსა და უკრაინაში პოლიტიკური პარტიების მხარდაჭერის ათწლეულზე მეტი გამოცდილების მქონე EECMD სხვადასხვა პოლიტიკურ აქტორებთან თანამშრომლობს, რათა ხელი შეუწყოს დემოკრატიული კულტურის განვითარებას, წარმომადგენლობითი პოლიტიკის გაძლიერებასა და კონსტრუქციული პოლიტიკური დიალოგის დამკვიდრებას.
EECMD მიიჩნევს, რომ ძლიერი დემოკრატიისთვის აუცილებელია გამჭვირვალე, პოლიტიკაზე დაფუძნებული და მოქალაქეებთან ახლოს მდგომი პოლიტიკური პარტიები. გრძელვადიანი პარტნიორობებისა და ადგილობრივ კონტექსტზე მორგებული მხარდაჭერის მეშვეობით პროგრამა ეხმარება პოლიტიკურ პარტიებს ინსტიტუციური შესაძლებლობების გაძლიერებაში, შიდა პროცესების გაუმჯობესებასა და საზოგადოების საჭიროებებზე უკეთ რეაგირებაში.
რას ვაკეთებთ?
EECMD მხარს უჭერს პოლიტიკურ პარტიებს შემდეგი მიმართულებებით:
- სტრატეგიული დაგეგმვა და ინსტიტუციური განვითარება
- პოლიტიკის შემუშავება და პოლიტიკური დაპროგრამება
- ორგანიზაციული გაძლიერება და შიდპარტიული დემოკრატიის მხარდაჭერა
- კომუნიკაცია, საზოგადოებასთან ურთიერთობა და მოქალაქეთა ჩართულობა
- პოლიტიკური ლიდერებისა და პარტიული სტრუქტურების შესაძლებლობების განვითარება
ჩვენი მიდგომა
პროგრამის ერთ-ერთი ძირითადი კომპონენტია პოლიტიკური პარტიების მხარდაჭერა გრძელვადიანი სტრატეგიებისა და მდგრადი ორგანიზაციული სტრუქტურების ჩამოყალიბების კუთხით. EECMD უშუალოდ თანამშრომლობს პოლიტიკურ პარტიებთან და მოძრაობებთან ლიდერობის გასაძლიერებლად, გადაწყვეტილების მიღების პროცესების ოპტიმიზაციისა და უფრო ინკლუზიური და ეფექტური პოლიტიკური ორგანიზაციების მხარდასაჭერად.
პროგრამა ასევე ხელს უწყობს დიალოგსა და თანამშრომლობას პოლიტიკურ აქტორებს, სამოქალაქო საზოგადოებასა და მოქალაქეებს შორის. ნეიტრალური და ინკლუზიური სივრცეების შექმნის გზით EECMD მხარს უჭერს ნდობის გაძლიერებას, კონსტრუქციულ ჩართულობასა და თანამშრომლობას, პოლიტიკური განსხვავებების მიუხედავად.
დაკავშირებული პუბლიკაციები
